انا هتكلم معاكم بصراحة وبشكل شرعي علشان الموضوع ده مشكلة كبيرة لكل الشباب
كل شاب عاوز يتجوز بس ليه؟؟؟؟
كل شاب يجي يتجوز لكن في شئ بيمنعه ليه؟؟؟
كل شاب عاوز يشتغل بس يعمل ايه؟؟؟
تعالوا نتناقش في المشكلة الكبيرة دي وبجد دي مشكلة مش هزار وكمان نشوف عواقبها هتكون ايه؟؟؟؟؟؟؟
الشاب عاوز يتجوز علشان اسباب كتيرة :
1- سنه عن الرسول والرسول قال من رغب عن سنتي فليس مني
2- علشان عاوز اقاوم فتن العصر وادخل الحصن واكون محصن من الفتنة
3- علشان اجيب صبيان وبنات العب بيهم كورة و يكونوا شباب حلو ومطأطأ ومؤمن من الاخر عاوز اجيب عيال زي الفل
هي دي اهم الاسباب بس الموضوع لو كده مش هيبقى فيه مشكلة بس المشكلة بقى في اللي جاي :
1- عندك شغل علشان تصرف على اهلك (الزوجة والاولاد اللي في علم الغيب)
2- عندك شقه وتقدر تجهزها
3- طيب تعرف واحده بنت حلال والا صعب تلاقي في الزمن ده
4-طيب عندك فلوس حلوه علشان المهر والشبكة
5- تفتكر اهلها هيوافقوا ولو كان عندك مقدرة بسيطة ويقولوا علشان مش عاوزين نرمي بنتنا
طيب ايه الحل وكمان ازاي نقدر نحل المشكلة بشكل فعال ايه رايكم نناقش المشكلة دي بجد مش بهزار ونشوف لو حد يقدر يسأل الاهل والاباء والامهات عن رايهم او بشكل ادق شروطهم في اللي هيجي يتجوز بنتهم ونشوف حتى لو هي موافقه من غير ماديات اهلها هيقبلوا ؟؟؟؟؟؟؟
والاهم من كده ايه العواقب اللي ممكن تحصل لو الشباب لم يتزوج؟؟؟؟؟
موضوع: لو عاوز تتجوز 
الخميس ديسمبر 06, 2007 5:33 pm
