الحمار المسافر

قطع الحمار تذكرة قال إيه..! هيسافر
فى بعثة لانجلتره يترقى ويذاكر
وياخد الدكترة يرجع بها يحاضر
وهيركب الباخرة ويوفر الحافر
وبعد نوم العرا فى تراب وحظاير
هيسكن المندرة ويبات فى عماير
وبدال عيدان الذرة كافيار وفطاير
ويعرف الفشخرة ويلبس الفاخر
ويرجع القاهرة طبعا حمار زاير
.............................
وياعينى ع اللى جرى لما الحمار سافر
رجع وديله ورا مشدود على الآخر
شايل علوم الورى على ضهره فى شكاير
لا عمره فى كتاب قرا ولا بص فى دفاتر
وكل ما قد جرى إن الحمار فاكر
إن العلوم محبرة واقلام ومساطر
حكاية متكررة فيها سؤال حاير
من إمتى يا هلترى كان الحمار شاطر
وخلاصة المسخرة قالها مثل ساير
العقل زينة الورى والصبر له آخر
واللى جابونا ورا كام منهم سافر...!!